Partia LIBRA e drejtuar nga Ben Blushi ka nisur në disa qytete mbledhjen e 10 mijë firmave për t’u regjistruar në KQZ për zgjedhjet parlamentare. Ndërkohë që procesi ka vijuar normalisht në qytetet e tjera në Vlorë bashkia i ka hequr çadrën e vënë.
Rasti është denoncuar nga Ben Blushi përmes një statusi në “Facebook”.
“LIBRA mbledh 10000 firma. KQZ refuzon të regjistrojë kandidatët LIBRA për deputetë duke shkelur Kodin Zgjedhor dhe moralin e zgjedhjeve të qershorit. Ne do mbledhim më shumë se 10000 firma nga 5000 që kërkohen.
Kjo çadër është ngritur sot në Vlorë ku ftohen qytetarët të mbështesin hyrjen e LIBRA-S në zgjedhje. Edhe në Tiranë e kudo po mbledhim firma. Ju pres të gjithëve”, tha Blushi në “Facebook”.