Mjeti me te cilin udhetonin dy te arrestuarit Dy persona kanë rënë në prangat e policisë së Vlorës rreth mesnatës, pasi qarkullonin me armë pa leje.K
Ka qenë një patrullë e policisë rrugore që ka kërkuar të ndalojë mjetin ku udhëtonin Mikel Mehmetaj, 39 vjeç dhe Vasil Papa 34 vjeç, që të dy banues në Selenicë.
Këta të fundit nuk i janë bindur urdhrit të policisë dhe kanë shtuar shpejtësinë në përpjekje për t’u larguar. Menjëherë në ndjekje të mjetit janë vënë shërbimet e policisë vendore që kanë bërë të mundur bllokimin e dy personave në lagjen “28 Nëntori”.
Gjatë ndjekjes, dy personat kanë hedhur nga dritarja e makinës një pistoletë të tipi Bereta bashkë me një krehër fishekësh. Policia ndaloi menjëherë dy shtetasit, që akuzohen për armëmbajtje pa leje dhe mosbindje ndaj urdhrit të punonjësit të policisë.
