(E plotësuar) - Një tjetër sasi e madhe droge është kapur nga policia e Vlorës në bashkëpunim me policinë Kufitare dhe Delta Forcë.
21 thasë të mbushur me bimë narkotike kanabis sativa, boçe, kërcell e gjethe të thata si dhe mbetje të bimëve narkotike, me peshë totale rreth 210 kilogramë, janë sekuestruar nga policia. Lënda narkotike u gjet e hedhur në ujë të ndenjur në shtratin e Lumit Shushicë.
Me urdhër të Prokurorit nga gjitha sasia e lëndës narkotike të gjetur u mor në cilësinë e provës materiale për ekzaminime laboratorike rreth 30 kilogramë.
Policia njofton se gjithashtu gjatë kontrollit të ushtruar në territorin e zonës janë gjendur disa vatra zjarri duke u djegur lëndë narkotike kanabis sativa.
Policia po punon për zbulimin dhe kapjen e autorëve të cilëve u përket sasia e lëndës narkotike e hedhur në ujë në shtratin e lumit Shushicë.
Gjenden 21 thasë me lëndë narkotike në shtratin e lumit Shushicë
Policia ka sekuestruar 21 thasë të mbushur me lëndë narkotike në shtratin e lumit Shushicë në Vlorë.
Rreth 210 kg kanabis janë gjetur të hedhur në ujë të ndenjur.
Në operacion u përdorën edhe qentë antidrogë të policisë ndërkohë që vijon operacioni masiv antidrogë në territorin e qarkut Vlorë.
