Kryebashkiaku i Vlorës: Banorët e përmbytur kanë kohë 5 ditë për të treguar dëmet - Bota Sot
Kryebashkiaku i Vlorës: Banorët e përmbytur kanë kohë 5 ditë për të treguar dëmet

Vlora

E shtunë, 16 dhjetor 2017

Kryebashkiaku i Vlorës: Banorët e përmbytur kanë kohë 5 ditë për të treguar dëmet

Më: 4 dhjetor 2017 Në ora: 22:36
Permbytjet

Kryetari i Bashkisë së Vlorës, Dritan Leli në një lidhje direkte në studion e “Tonight Ilva Tare” tha se sasia e reshjeve të rëna në Vlorë ka qenë më e madhe se rekordi i vitit 1971.

 Ai deklaroi se nuk ka më asnjë person të strehuar në pallatin e sportit, pasi janë rikthyer në banesat e tyre.

Leli: Pjesa më e madhe e njerëzve janë zhvendosur dhe janë rikthyer në shtëpitë e tyre. Në Pallatin e Sportit në Vlorë nuk ka më njerëz. Në zonën e Novoselës është larguar uji në pjesën më të madhe. Ka qenë situatë problematike. Mund të them se rajoni i Novoselës ka pasur rekordet e veta dhe në matjet që bëmë sot me një specialist nga Hidroteknika, niveli i Vjosës kaloi 8.6 metra. Duhet të ndryshojmë strategjinë e politikave për të pasur investime në zonë. Ka pasur sasi të mëdha shirash nga ato që vijnë njëherë në 100 vjet dhe mund të them se ka pasur më shumë reshje se ato të janarit të vitit 1971.

Tare: Keni një bilanc financiar të dëmeve?

Leli: Përmbytjet kanë qenë të menaxhuara shumë mirë. Ka qenë maksimumi i bashkëpunimit pushtet qendror-pushtet lokal. Bashkia ka ngritur grupet e kontrollit. Ne kemi shpërndarë njerëzit në territor për të parë çdo lloj dëmi.

Kërkesat e njerëzve kanë filluar nga sot paradite. Kanë 5 ditë të drejtën për reklamimin e dëmeve dhe stafi i bashkisë do të jetë i shoqëruar edhe nga këshilltarët bashkiak për të qenë sa më transparent.

Sot mund të lexoni Shfletoni kopertinat
Sondazh
    test