Festa tradicionale e Kaninës, një takim brezash mes traditës dhe të resë - Bota Sot
Festa tradicionale e Kaninës, një takim brezash mes traditës dhe të resë

Vlora

E mërkurë, 26 shtator 2018

Festa tradicionale e Kaninës, një takim brezash mes traditës dhe të resë

Nga: ATSH Më: 11 gusht 2018 Në ora: 08:14
Festa tradicionale e Kaninës

Kanina, fshati që qëndron si ballkon mbi Vlorë, me një pamje të mrekullueshme mbi qytet, organizon festën e tij.

Festa e Kaninës 2018, vjen në kalanë e Kaninës në një nga zonat më të mrekullueshme dhe historike të Vlorës, më 15 gusht.

Në kalanë shekullore turistë dhe qytetarë do të argëtohen me ritmet e muzikës popullore vlonjate, këngë polifonike, valle si dhe me gatimet tradicionale të zonës.

Kjo festë gjithashtu bën të mundur dhe takimin e brezave pasi do të ofrojë një program të larmishëm për çdo grup moshë.

Fshati i Kaninës ndodhet 3 km larg qytetit bregedtar të Vlorës. Në këtë fshat ndodhet edhe kalaja e Kaninës, e cila është ndërtuar mbi një qendër të vjetër banimi, në shekullin III p.e.s.

Kjo fortesë ka një sipërfaqe të përgjithshme prej 3625 hektarë. Kalaja u rindërtua nga Perandori Justinian në shekullin V, ndërsa rëndësia e saj spikati veçanërisht gjatë rezistencës së shqiptarëve të udhëhequr nga Skënderbeu ndaj pushtuesve turq./ATSH/

Sot mund të lexoni Shfletoni kopertinat
Sondazh
test