Kombëtarja e Shqipërisë dhe ajo e Maqedonisë në volejboll (meshkuj) edhe këtë vit do të marrin pjesë në European League. Shorti i hedhur sot deshi që në grupin “A” të jenë Maqedonia, Shqipëria dhe Suedia. Ndërsa grupi “B” do të përbëhet nga katër kombëtare dhe aty do jenë: Danimarka, Ukraina, Hungaria dhe Izraeli. Dy kombëtaret e para të dyja grupeve do luajnë në Final For. Vitin e shkuara përfaqësuesja e Maqedonisë, fitoi medaljen e argjendtë pasi në finale u mund nga Estonia. Maqedonia do të jetë organizator i turneut të parë i cili do të luhet prej 16 deri më 18 qershor, ndërsa Shqipëria do organizojë turneun e dytë.
Ndërsa volejbollistet shqiptare në këto gara të Ligës së Evropës, do të luajnë në grupin “A”, në përbërje të së cilës do jenë edhe tri kombëtare të tjera – Bjellorusia, Finlanda dhe Austria.