Presidenti i Federatës Shqiptare të Volejbollit, Erlind Pëllumbi, është zgjedhur sot në Komitetin Ekzekutiv të Komitetit Olimpik Kombëtar Shqiptar. Zgjedhja është një vlerësim i madh që komiteti i sportit shqiptar i bën presidentit të FSHV-së dhe sportit të volejbollit, duke e zgjedhur në organet drejtuese.
Kjo edhe për meritë të jashtëzakonshme që ka i gjithë komuniteti i volejbollit, që ka bërë hapa të mëdhenj përpara gjatë viteve të fundit, duke shkuar në nivele të reja. Një shtysë e mëtejshme për të gjithë ne, për të vijuar në rrugën e nisur, në promovimin e volejbollit shqiptar, si pjesë e rëndësishme e familjes olimpike.