Tirana fiton Kupën në volejboll për femra - Bota Sot
Tirana fiton Kupën në volejboll për femra

Volejboll

E premte, 15 dhjetor 2017

Tirana fiton Kupën në volejboll për femra

Më: 25 shtator 2017 Në ora: 06:40
Tirana

Ka një Tiranë që fiton derbin, e madje ngre dhe trofe duke mposhtur Partizanin. Është Tirana e volejbollit të femrave që fitoi Kupën e Federatës duke mposhtur 3-1 me sete Partizanin në një finale plot rivalitet e emocion.

Mjaftojnë ngjyrat e kuqe dhe bardheblu për të kuptuar se cdo sfidë do të ketë rivalitet dhe i tillë nisi seti i parë, i ekuilibruar dhe i luftuar me vajzat bardheblu të drejtuara nga trajneri Adrian Gorenxa që e fituan duke u shkëptur vetëm në fund me rezultatin 25-21. Në të dytin reagimi i Partizanit të trajnerit Roland Tare ishte ai i duhuri, për të dhuruar një fraksion të luftuar në maksimum ku gjithcka u vendos pas barazimit 23-23 me vajzat e kuqe që triumfuan më pas 25-23 për të risjellë ekuilibrin. Në setin e tretë gjithsesi Tirana që vinte në këtë sfidë me jo pak besim pasi kishte eleminuar në gjysmëfinale kampionet e Barletit bëri vërtet diferencën me kapitenen Shkurti që bashkë me Sallakun Xhixhën, Sejfullain e Kokonozin ishte thjesht të papërmbajsthme duke e mposhtur Partizanin me diferencë 25-16. Të vetëdijshme se ishin vetyëm një set larg një fitoreje të madhe vajzat bardheblu arritën të mposhtin reagimin e fortë të Partizanit për ta fituar edhe këtë set me rezultatin 25-20 dhe mbyllur krejt takimin, një sukses vërtet io vecantë ky për ngjyrat bardheblu, ku një trofe padyshim shijon më shumë kur fitohet ndaj Partizanit.

Sot mund të lexoni Shfletoni kopertinat
Sondazh
    test