Driton Kuka nuk e ka ndërmend të flenë, është i vendosur të punojë natë e ditë për të nxjerrë edhe shumë Majlinda Kelmendi dhe të krijojë një brumë të fortë për Lojërat Olimpike – ‘Tokio 2020’. “Kampi Olimpik në Romë pikënisja e parë serioze e Majlindës drejt garave të reja! Në kamp janë edhe Akili (Gjakova), Distria (Krasniqi) dhe Fjolla (Kelmendi)!”, shkruan Kuka, përzgjedhës i kombëtares së Kosovës në xhudo. Majinda apo kampionia olimpike, është një frymëzim për të gjithë sportistët tanë dhe synimi i saj është që të thyejë rekord pas rekordi.
