Nuk është i rehatshëm! I vlon gjaku shpesh për punë, sa në detyrë të policisë, sa në detyrë të trajnerit, sa merr pjesë në garat e xhudos për veteranët. Ky është trajneri i klubit të xhudos “Policit” nga Prishtina, Anton Cena. Ai ka postuar katër fëmijët e tij dhe ka bërë një lidhje shumë interesante, madje është i mërzitur që po plaket, ani se tani është në moshën më të mirë mbi 53 vjeçe. “Linda Cena, Arben Cena, Kastriot Cena dhe Dardan Cena janë kalamajt që sot nuk po me besohet se me kanë kaluar me shtat, ama jo edhe me punë!”, shkruan Cena, që ndryshe është shef i Njësisë së Trajnimit të Taktikave Mbrojtëse dhe Aftësimit Fizik të policisë dhe pranë Akademisë së Kosovës për siguri publike.
