Periudhat e arta nuk harrohen. Shaban Tërstena, kampion olimpik i mundjes (52 kg) në vitin 1984 në Los Anxhelos të Shteteve të Bashkuara të Amerikës dhe fitues i medaljes së argjendtë në Seul, kujton kohët e arta të tija, por ka pasur një emocion të pakufishëm, për faktin se ka një mik, trajner që ishte 20 vjet me të! “Ishte një ditë fantastike, pinim një kafe me njeriun që jam shumë krenar. Kjo është bota jonë dhe jeta jonë, por është edhe historia e jonë për t'u rrëfyer jetën tonë sportive. Miku dhe trajneri i palodhur Xhelal Zeqiri, 20 vite ishte me mua në çdo minutë, u deshën 20 vite stërvitje ditë e natë, ballafaqime dhe sfida të ndryshme për fitoret e mija!”, shkruan Tërstena.
