Xhudo nuk e ka nisur mirë Festivalin Olimpik Evropian për të rinj (EYOF), “Gyor 2017”. Garuesi, Selim Berisha, doli i pari në tatami në ditën e tretë të garave. Ai pavarësisht angazhimit u mposht në luftën e parë nga britaniku Archie Platt, në kategorinë deri në 66 kilogram.
Në dy ditët e ardhshme do të garojnë edhe tre xhudistët tjerë, Arbër Kullashi, Laura Fazliu dhe Shpati Zekaj. Kullashi e Fazliu garojnë të enjten në kategoritë deri 73 kilogram respektivisht 63 kilogram. Garat për xhudistët tanë mbyllen të premten me Shpat Zekajn në kategorinë deri në 90 kilogram.