Kosova me gjashtë garues do të marrë pjesë në Kampionatin Evropian në xhudo. “Në Podgoricë ekipi ynë merr pjesë në Kampionatin Evropian U-23 me 6 garues. Ekipit do t’i prij Distria Krasniqi, kampione evropiane e vitit të kaluar në kategorinë 52 kg, që edhe sivjet pretendon medalje si dhe Akil Gjakova medalist i vitit të kaluar në kategorinë 73 kg.
Në Podgoricë marrin pjesë edhe: Flaka Loxha (57 kg), Leutrime Krasniqi (57 kg), Laura Fazliu (63 kg), Loriana Kuka (70 kg).
Presim paraqitje të mirë dhe medalje nga ky Kampionat”, thotë Driton Kuka, përzgjedhës i kombëtares së Kosovës.
