Vazhdon shkëlqimi i sportistëve të Kosovës në kategorinë e Xhudos.
Kësaj radhe sportistja Erza Muminoviq ka fituar medaljen e artë në Kupën Panamerikane të xhudos për kadetë, të mbajtur sot në Panama City të Panamasë.
Xhudistja nga Kosova fitoi të artën në kategorinë -44 kg, duke shtuar 100 pikë të reja për Lojërat Olimpike për të rinj, Buenos Aires 2018.
Surprizë ishte se medaljen Erzës ia ndau ambasadorja e Kosovës në Panama, Zana Zeqiri Rudi.