Një grua 44 vjeçare ishte gjykuar kohë më parë pasi rrahun njërën nga dy vajzat me kablo elektrike, pasi dyshonte se ajo ishte konsumuese e lëndëve narkotike. Atëherë Gjykata e See Gaster në 2011, e dënoi me 24 muaj burg dhe gjobë në të holla si dhe miratoi dëbimin e saj, shkruan media zvicerane ZSZ.
Por në seancën e parë gjyqësore, nuk ishte marrë parasysh se nëna nga Kosova vuante nga sëmundjet psikologjike. Me shpresë se kjo e fundit do ndryshonte vendimin gjyqësor, ajo ankimoi përsëri në organet e drejtësisë që ju aprovua.
“Gjatë tre orëve sa zgjati seanca, në prani të dy vajzave dhe bashkëshortit, 44 vjeçarja ishte parë vetëm duke u qarë,” përcjell botasot.info. “Prindërit e saj që jetojnë në Kosovë, janë shumë të moshuar për t’u përkujdesur për të.”
Por pavarësisht gjithë kësaj, Gjykata e Uznahut të mërkurën, 26 tetor, nuk vendosi në dyshim dëbimin e saj, por vetëm se uli dënimin me burg nga 24 muaj në dhjetë muaj.
Asaj i ishte qartësuar vendimi i dëbimit në 2015, ndërsa nga frustrimi kishte tentuar disa herë të vetëvritet dhe ka ndjekur vazhdimisht seanca psikiatrike.
Gjyqi mbeti i palëkundur edhe pse vetë vajza kishte kërkuar faljen e nënës së saj. Vajza shpërtheu në lot kur dëgjoi nënën se me rëndësi është që familja e saj të jetojë e lumtur, "ndërsa vetë s'ka më shpresa për jetë më të mirë"./Bota sot/
