Manifestimi u kremtua së bashku me Qendrën Kulturor në Cyrih, dhe tri shoqërive kulturor artistike, me qëllimin më të mirë për ta promovuar edhe si bashkëdyzim i muzikës moderne elitare e soprane dhe folklorit burimor në përvjetorin e pavarësisë.
Në përvjetorin e 9-të të pavarësisë së Kosovës, u organizuan disa manifestime anekënd Zvicrës, por edhe gjetiu në mërgatë.
Kështu mbretroj atmosfera edhe në fundjavën që e lamë pas, në sallën e Salmenit në Schlierenit të Kantonin të Cyrihut, e cila festë u kremtua nën patronatin e Ministrisë së Diasporës, dhe nën organizimin e Qendrës Kulturore në Cyrih, në bashkëpunim me SH.SH.V "SHOTA“ në Zvicër, SH.K.A "DARDANIA“ në Winterthur, grupi i vallzimit „RINIA“ në Spreitenbach, grupi teatral "AKTRIMI“ në Zürich, mandej si përforcim i rastit edhe kori i grave "MELODIA“, e cila u krijua shume pak javë para paraqitjes së tyre të parë, në këtë manifestim kaq të madhë.
Mandej programin e zbukuruan edhe sopranoja e njohur, Sanije Matoshi e cila kishte ardh enkas nga Kosova për ti paraqitë, të shtunën në mbrëmje përvojat e saja tash më të njohura, për tu përcjellur nga pianistja e shkëlqyer e Ermira Zyrakja, përball një publiku të stërmbushur të cilët kishin ardhur nga qyteti i Cyrihut, por edhe vise tjera të Zvicrës, për të festua, pse jo edhe për të përcjell nga afër paraqitjet artistike të tri shoqërive kulturore me anëtarët dhe prindërit e tyre.
Kështu ishin bërë edhe pregaditjet e duhura të bynës, të sallës dhe programit, në bashkëpunim të Shkrije Ramadanit (QKZ), Agron Bajramit (Shota), Shefqet Cakollit, (Dardania), Ramadan Morina, (Aktrimi ), dhe Sherif Dakajt (Rinia), në cilësin e këshillit artistik dhe organizativ, dhe të Bajram Kllokoqit, Salih Ramës, dhe Shaban Halitit në cilësin e kujdestarëve të sallës dhe rendit në manifestim.
Pas intonimit të tri hymneve të Kosovë, të Zvicrës dhe hymnit Kombëtar, interpretuar nga kori i grave, filloj dhe u hap programi me kohë kësaj radhe, si që jemi mësua të vonohemi në shumicën e manifestimeve të tilla.
Sipas programit artistik organizatorët ishin marrë vesh që në fillim të programit të ngjiten në skenës valltarët e grupit “Rinia” nga Spreitenbahu, të cilët vallëzuan një valle me tematik të pavarësisë kombinuar me flamurin e Kosovës dhe atë kombëtar, për të vazhua më pas me Sanije Matoshin, që ishte pjesa më e veçantë e programit artistik të mbrëmjes, ku ajo u paraqit „live“ me elegjit dhe këngët e saja të pëlqyera nga publiku edhe pse festat e tilla kërkojnë vërtet qetësi dhe një publik më të emancipuar, për vetë faktin se ajo këndoj në stilin e një opere apo soprane të mirëfillët, dhe që shumë nga fëmijët nuk e kuptojn dhe nuk dinë ta vlerësojn edhe aq zhanrin e tillë.
Më pastaj në emër të përfaqësive diplomatike kosovare në Zvicër të pranishmit i përshëndeti konsulli i përgjithshëm në Gjenevë, z. Ramadan Avdiu, i cili pasi uroj për festën, ndau një mirënjohje posmortum për aktivistin e qështjes kombëtare Xhavit Hoxha. Një gjë të tillë e bëri dhe Ambasadori i Republikës së Shqipërisë në Bernë, z. Ilir Gjoni, ku foli edhe për rëndësinë e këtij përvjetori kaq të rëndësishëm të Kosovës, sipas tij, shteti më i ri në Evropë për këto nëntë vite ka bërë progres dhe hapa të shpejtë në procesin e shtet-ndërtimit, ku më pas edhe ai ndau një mirënjohje postmortum për aktivistin tjetër të qështjes sonë për liri dhe pavarësi, z.Ibrahim Nikqi.
Edhe Ambasadori i Maqedonisë në Bernë, z. Rafet Hajdari, uroj pavarësin e Kosovës dhe inkurajoj eliten e Kosovës për një proces të radhës drejt finalizimit të disa qështjeve të pa zgjidhura deri më tani, e i cili po ashtu ndau një mirënjohje për Muharrem Dinen, si veprimtar i devotshën i kësaj pavarësie që po e gëzojmë.
Më pas në sken ngjiten anëtarët e SH.K.A “Dardania” nga Winterthuri, të cilët sollën emocione të traditave tona përmes dasmës, dhe ritualeve e dokeve tona të trashiguara ndër shekuj, e që vërtet zgjuan interesim të madhë te publiku, sa që u ngriten në këmbë, një pjesë e tyre për të marr sekuenca në mobilat e tyre, për ti patur si mburrje dhe traditë me gjasë.
Mbrëmjen festive këtë herë e ka moderuar aktori dhe moderatori tash më i njohur në diasporë, Ramadan Morina dhe Yllka Zuzaku, ndërsa vogëlushja Isra Abazi solli emocione të veçanta tek publiku me zërin e saj të mrekullueshëm, dhe këngët e saja.
Për të vazhua me programin e radhë, SH.SH.V „ Shota“ në Zvicër, u prezentua me disa potpuri vallesh, të cilat lanë te publiku një mbres të madhe për lëvizjet dhe skenën e mbushur me lloj-lloj veshje e koloriti të veshjeve tona kombëtare.
Dhe fare në fund, këngëtari dhe rapsodi, Isuf Rashiti mblodhi edhe një here të gjitha grupet artistike në skenë, me këngën e Kaçanikut, për të vazhu më pas me ca pika muzikor me surla e tupana, të orkestruara nga SH.K.A "Dardania“ , dhe „ Shota“ ku u përfëshin thuaja se të gjitha grupet së bashku me masën e gjërë për të vallëzua dhe festua ditën e pavarësisë, deri sa edhe përfundoj e tëra si manifestim për të vazhuar kështu me ushqime dhe pije të freskëta, nga e tërë kjo që u festua me vullnet e hare.
Nuk munguan as buqeta me lule për dy zonjat Sanije Matoshi dhe Ermira Zyrakja, dhe voglushja Irsa Abazi, si dhe udhëheqëses së korit të grave të sapoformuar „Melodia“.
