Në barin Cafe 56 në Kleinbasel (Bazeli i vogël) të enjten u vranë dy persona dhe njëri u plagos rëndë. Tani janë zbuluar identitetet e viktimave shkruan "20min", transmeton "Bota sot".
Ngjarja e rëndë ndodhi në lokalin e Skënder I. nga Maqedonia në rrugën Erlenstrasse pak përpara orës 20:00. Sipas Prokurorisë së Bazel dy burra kanë hap zjarr kundër klientëve të lokalit dhe janë larguar menjëhere.
Ata u larguan dhe janë në arrati akoma, ndërsa lanë të vdekur 28 vjeçarin Mirjan B. dhe 39 vjeçarin Orges S.. Ky i fundit e kishte ndryshuar emrin për shkak të një problemi në vendlindje ku në fëmijëri quhej Gent H..
I plagosuri rëndë që ndodhet jashtë rrezikut për jetë është 24 vjeçari Festim D.
Një i njohur i familjes tregon se është thirrur nga familja e Mirjanit të ndjerë që i kishin treguar se njëri nga viktimat është djali i tyre. "Ata ishin tmerrësisht keq dhe vajtonin," kujton i njohuri i familjes që kishte nisur menjëherë nga Italia në Zvicër.
I njohuri e paraqet Mirjanin si një të ri me personalitet të shkëlqyer dhe karakter të fortë. "Për të tjerët ai jepte edhe këmishën e fundit.
Ishte mjaft miqësor." Gjithshka kishte qenë paqësore në tavolinën e viktimave kur papritur një person futet në lokal dhe hap zjarr pa paralajmërim. Herën e parë qëllon mbi Festimin, ndërsa më pas ngrihet në këmbë Mirjani për të marrë armën e agresorit ku goditet nga plumbat vdekjeprurësë sëbashku me Orgesin.
Orgesi ka lënë dy fëmijë jetimë
Se kush janë agresorët nuk dihet, por të gjithë në tavolinë qëndronin si turistë në Zvicër. Orgesi ka lënë tash dy fëmijë jetimë. Sesi erdhi deri te kjo ngjarje mundohet ta zbulojë edhe vëllai i 39 vjeçarit. "Ai ishte një njeri familjar dhe i dashur," thotë vëllai. "Ai shqetësohej shumë për fëmijët e tij me të cilët ishte shumë i lidhur." Vajza e tij nuk e beson se ai ka vdekur. "Ajo tha - Babai im nuk është i vdekur, ai duhet të më dërgojë në shkollë - Ajo është e varur nga babai i saj."
Edhe vëllai i Orgesit nuk kupton si erdhi deri te gjakderdhja, pasi vëllai i tij nuk i bënte keq asnjeriu. Sipas pjesëtarëve të familjes mundohet që shkakun ta transportojnë në Shqipëri.
Agresorët akoma nuk janë arrestuar, njofton Prokuroria. Policia kërkon dy burra 30 deri 40 vjet, të gjatë 1.75 metra dhe me flokë të zeza. Mbanin të veshura rroba të zeza. Sipas shumë dëshmitarëve ata ishin Europianë lindorë.
Sipas të afërmve agresorët mund të jenë larguar në Shqipëri pas dramës./Bota sot
