Fari dhe Elemedina Xheladini, janë një çift i ri më banim në Fribourg të Zvicrës, por me prejardhje nga Kumanova, të cilët kishin probleme për të pasur fëmijë. “Fari Xheladini dhe bashkëshortja ime Elemedina Xheladini jemi një çift i ri me banim në Fribourg të Zvicres.
"Përndryshe ne jemi me prejardhje nga Kumanova. Ne si çift i ri kishim plane dhe ëndrra të bukura për jetën dhe natyrisht ne dëshironim shumë që Zoti të na dhuronte një fëmijë. Fatkeqësisht, dëshira jonë nuk u realizua edhe pse nuk lamë gurë pa lëvizur, klinikë pa vizituar dhe mjek pa konsultuar. Zhgënjimi ynë deri në pikëllim erdhi me abortin e pestë të bashkëshortes sime. Nuk ndihmuan as klinikat në Maqedoni e as ato zvicerane”, rrëfejnë ata historinë e tyre.
Por kur ata kishin humbur të gjitha shpresat, atyre në ndihmë iu kishte dalë Dr. Avdulla Krasniqi, i cili kishte bërë mrekullinë.
“Përfundimisht kur e kishim humbur çdo shpresë, një mik i ngushtë nga Kosova na informoi se është një mjek-gjinekolog shumë i përgatitur i cili për një kohë të shkurtër të qëndrimit me punë në Zvicër ka arritur të bëhet edhe krye mjek i servisit të Gjinekologjisë në Payern në Spitalin e Payernit të kanotnit e Vaud-it. Edhe pse shpresat tona ishin të pakta, ne megjithatë u paraqitem në vizitë te ai. Në fillim kishim dyshime. Ndoshta edhe si pasojë e ndikimeve të propagandës se është shqiptar pra nuk është zviceran. Po kush është ky mjek? Quhet Dr.Avdulla Krasniqi dhe është nga komuna e Gjilanit përdryshe është krye mjek i servisit të Gjinekologjisë në Payern dhe se me dijen, përvojën, seriozitetin dhe aftësinë kulminante profesionale arriti të zbuloj shkakun e aborteve dhe mrekullia ndodhi”, rrëfen çifti i ri.
Por, pas intervenimit të Dr. Avdulla Krasniqit, ata sot kanë djalin e tyre, Selimin, e për të cilin meritat dhe mirënjohjet jo vetëm interne por edhe publike i sh kojnë mjekut shqiptar Avdulla Krasniqit.
“Sot jemi një çift i ri dhe i lumtur, mirëpo kemi edhe djalin tonë Selimin e vogël i cili me ardhjen në jetë na ka gëzuar shumë dhe na ka bërë të lumtur. Për këtë lumturi tonë meritat dhe mirënjohjet jo vetëm interne por edhe publike i shkojnë mjeku shqiptar Avdulla Krasniqit. Me shpirt dhe zemër ne e urojmë mjekun shqiptar Avdullahun, njëkohësisht mburremi me të arriturat e tija shkencore dhe profesionale dhe njëkohësisht ndjehemi krenar me te që na bëri të lumtur jo vetëm neve por edhe familjen e gjerë Xheladini. Për këtë vendosëm që të dalim publikisht dhe ta falënderojmë mjekun Avdulla Krasniqin duke i dëshiruar jetë të gjatë e të lumtur atij dhe familjes së tij si dhe të arritura edhe më të mëdha në rrafshin profesional. Faleminderit Dr. Avdulla Krasniqi ! Zoti të ruajt dhe paqë jetë të gjatë ! Ne krenohemi me ty! Fari dhe Elmedina Xheladini”, kanë rrëfyer çifti i ri, duke falënderuar publikisht, Dr. Avdulla Krasniqin.
