Kreu i BDI-së, i ka dërguar letër kryetarit të Asamblesë Parlamentare të Këshillit të Europës, lidhur me raportin e një anëtari të këtij institucioni, Dick Martit.
Nga Bashkimi Demokratik për integrim thonë se, “në vazhdën e aktiviteteve të cilat janë në drejtim të demaskimit dhe kundërvënies të tentimeve së disa qarqeve, për njollosjen dhe denigrimin e vlerave të luftërave të fundit të popullit shqitarë në këto troje, është edhe letra e kryetarit të BDI-së z. Ali Ahmeti , dërguar kryetarit të Asamblesë Parlamentare të Këshillit të Europës, lidhur me raportin e një anëtari të këtij institucioni, Dick Martit, në të cilën kërkon mosmiratimin e këtij dokumenti tendencioz dhe politikisht të ndikuar”, njofton agjencia e lajmeve INA.
Sot, kryetari i Asamblesë Parlamentare të KE-së, z. Mevlut Çavusoglu në letrën dërguar falenderoi z.Ahmeti për letrën dhe informoi se sipas rregullave kjo letër është proceduar në Komisionet përkatëse të Këshillit të Europës. (INA)