Demonstrata në Kajro më e madhja deri tani - Bota Sot
Demonstrata në Kajro më e madhja deri tani

Bota

Demonstrata në Kajro më e madhja deri tani

Më: 8 shkurt 2011 Në ora: 17:31

Dhjetëra mijëra vetë kanë dalë në qendër të Kajros për të forcuar rradhët e demonstruesve që ndodhen në sheshin Tahrir për të kërkuar largimin e e presidentit Hosni Mubarak.

Një korrespondent i BBC-së e ka përshkruar këtë si demonstratën më të madhe deri tani në shesh.

Atmosfera ka qënë e qetë gjatë ditës pjesëmarrja nuk mbështet sugjerimet që protestave po u mbaronte fuqia.

Ndërkaq presidenti Mubarak pas takimit në fillim të javës me kabinetin, njoftoi rritje të pagave për punonjësit e qeverisë.

Ndërsa Uashingtoni e zbuti tonin ndaj liderit egjiptian.

Qeveria "merr veten"

Dy javë pasi qeveria egjiptiane u trondit nga vala e parë e protestave, ka shenja se kabineti po e rigjen ekuilibrin.

Qeveria riktheu masat popullore, si rritja prej 15 për qind e pagave për punonjesit e saj.

Ndërsa sipas opozitës, është rritur kërcënimi dhe arrestimi i aktivistëve të saj.

Presidenti Obama i ka zbutur kritikat. Ai foli me pozitivizëm për procesin e dialogut që opozita egjiptiane thotë se nuk po shkon gjëkundi.

Madje as monedha vendase, paundi egjiptian, nuk ka rënë në vlerë sa pritej, e ndihmuar kjo mbase nga ndërhyrja e qeverisë vendase dhe atyre të huaja.

Megjithatë protestuesit kanë dalë për çdo ditë në rrugë dhe në masë të madhe.

Ata nuk kanë marrë ende përgjigje për kerkesat e tyre.

Një korrespondent i BBC-së thotë se gjithçka duket se parashikon një periudhë të zgjatur paqëndrushmërie për Egjiptin dhe rajonin.(bbc)

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...