Doktor Ashraf Abdelghaffar, një prej liderëve të Vëllazërisë Myslimane, në fjalën që mbajti në konferencën e organizuar në Stamboll tha se ekziston dezinformacion në lidhje me ngjarjet në Egjipt.
“Populli ka 30 vjet që e duron Husni Mubarakun dhe regjimin e tij. Ka duruar ndaj tiranisë, varfërisë që solli ai. Pasuritë kombëtare janë në duart e personave të caktuar”, u shpreh Abdelghaffar.
Më shumë se 40% e popullsisë jeton nën kufirin e varfërisë. Populli duhet patjetër të bëjë një revolucion, nënvizoi Abdulgaffar.
Ashraf Abdelghaffar shtoi se demonstratat do të vazhdojnë për sa kohë që Mubarak do të jetë në pushtet.