Autoritetet ushtarake në Egjipt do të shpërbëjnë parlamentin dhe do të abrogojnë kushtetutën.
Këshilli i lartë ushtarak tha se do të qëndrojë në pushtet për gjashtë muajt e ardhshëm ose deri në zgjedhjet e reja.
Parlamenti i tanishëm i Egjiptit është i dominuar nga përkrahësit e ish-presidentit Hosni Mubarak, i cili u largua të premten, pas protestave masive.
Pasi udhëheqja ushtarake njoftoi masat e reja, përfaqësuesi i opozitës, Aiman Nour, tha se "kjo është një fitore për revolucionin".