Vordsorth: Pajtueshmëri në BE për rezolutën - Bota Sot
Vordsorth: Pajtueshmëri në BE për rezolutën

Bota

Vordsorth: Pajtueshmëri në BE për rezolutën

Më: 7 shtator 2010 Në ora: 14:54

Ambasadori britanik në Serbi, Stiven Vordsvorth, ka thënë se vendet e Bashkimit Evropian e kanë arritur pajtueshmërinë për tekstin e rezolutës së Serbisë për Kosovën.

“Fakti që pajtueshmërinë për tekstin e kanë arritur të 27 vendet e BE-së, përfshirë edhe 5 vendet që nuk e kanë pranuar Kosovën, garanton se formulimet nuk do ta paracaktojnë çështjen e shtetësisë së Kosovës”, ka thënë ambasadori Vordsvorth sot në Beograd dhe ka shtuar se në tekst “nuk kërkohet që Serbia ta pranojë Kosovën”.

Sipas tij, bëhet fjalë për “gjetjen e mënyrës së njohjes së mendimit të Gjykatës Ndërkombëtare të Drejtësisë”.

Ai ka thënë se shpreson që Serbia dhe BE-ja do të arrijnë marrëveshje “që do të jetë bazë për të shkuar së bashku në Asamblenë e Përgjithshme të OKB-së, me rezolutë, që atëherë do të miratohej me konsensus”.

Ambasadori britanik, Stiven Vordsvorth, ka thënë se për Britainë dhe për të gjitha vendet e tjera të BE-së, që e kanë njohur Kosovën, në propozim-rezolutën e Serbisë ishin të papranueshme shumë çështje, në mesin e të cilave edhe hapja e rrugës për bisedime të reja për status.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...