Klinton dënon planet për djegjen e Kuranit - Bota Sot
Klinton dënon planet për djegjen e Kuranit

Bota

Klinton dënon planet për djegjen e Kuranit

Më: 8 shtator 2010 Në ora: 09:18

Një grupim i krishterë në Shtetet e Bashkuara ka përsëritur se nuk heq dorë nga planet për djegjen e Kuranit më 11 shtator, në nëntë vjetorin e sulmeve terroriste në Shtetet e Bashkuara.

Drejtuesi i kishës në Florida, Terri Xhons, theksoi se islami është “një fe e dhunshme dhe shtypëse” dhe shtoi se po vazhdon të lutet për djegjen publike të librit të shenjtë të fesë islame. Drejtuesit kryesorë fetarë, të krishterë e hebrejë në Shtetet e Bashkuara i kanë dënuar thirrjet për djegjen e Kuranit si sulm ndaj lirisë fetare dhe dëshmi e mungesës së tolerancës.

Planet në fjalë janë dënuar dhe nga administrata amerikane, e cila ka theksuar se veprime të tilla rrezikojnë turpat e SHBA-ve në botë.

Sekretarja amerikane e Shtetit, Hillari Klinton foli për këtë çështje dhe gjatë iftarit të shtruar në Departamentin e Shtetit.

“Jemi ulur së bashku ditën kur vjen lajmi se një prift në Florida do vazhdojë me planet për djegjen e Kuranit të shenjtë më 11 shtator. Jam e emocionuar nga dënimi i qartë e i padiskutimtë që i kanë bërë këtij veprimi të padenjë udhëheqësit e të gjitha feve në Amerikë, nga të krishterët evangjelistë tek rabinët hebrejë, krerët sekularë dhe opinionbërësit”, tha Klinton.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...