Kaosi në qiejt e Europës për shkak të resë së tymit të shkaktuar nga vullkani në Islandë rrezikon edhe gjysmëfinalet e Champions League dhe Europa League, që janë parashikuar javën e adhshme. UEFA ka dalë në mbrojtje të skuadrave që do luajnë në transfertë dhe që mund të përballen me shumë vështirësi për të arritur në fushën kundërshtare. Barcellona duhet të përballet me Interin në Milano për gjysmëfinalen e parë të Champions, ndërsa Lioni duhet të luajë në gjysmëfinalen tjetër në fushën e Bajernit të Mynihut. Për gjysmëfinalen e Europa League, të enjten do të luhet Liverpool-Atletico dhe Fulham-Hamburg.
