Sërish është shtyerë procesi gjyqësor kundër liderit të lëvizjes “Vetëvendosje”, Albin Kurti. Senca është shtyrë për datën 15 prill 2010, pasi as sot Albin Kurti nuk është paraqitur në sallën e Gjykatës në Prishtinë.
Seanca e sotme ishte e katërta me radhë në përpjekje për të nisur shqyrtimin e akuzave ndaj Kurtit, për “pjesëmarrje në një turmë që ka kryer vepra penale, pjesëmarrje në një grup që ka penguar personat zyrtarë në kryerjen e punëve zyrtare dhe për thirrje për rezistencë në lidhje me ngjarjet e shkurtit të 2007-ës, në të cilat u vranë dy protestues”.
Lideri i Lëvizjes “Vetëvendosje” e ka cilësuar procesin gjyqësor kundër tij të motivuar politikisht.
Kurti kishte paralajmëruar se as sot nuk do të paraqitet në Gjykatë, ashtu edhe ndodhi.
