Pas miratimit të Rezolutës për Kosovën në OKB vijnë edhe reagimet e para nga zyrtarët e lartë të Kosovës. Zëvendëskryeministri i Qeverisë së Republikës së Kosovës, Hajredin Kuçi ka thënë se rezoluta e miratuar tregon se Organizata e Kombeve të Bashkuara ka legjitimuar mendimin e Gjykatës Ndërkombëtare të Drejtësisë (GJND), dhe mbi këtë bazë edhe do të mbahen bisedimet me Serbinë.
