Serbia e ndërron rezolutën për Kosovën - Bota Sot
Serbia e ndërron rezolutën për Kosovën

Lajme

Serbia e ndërron rezolutën për Kosovën

Më: 8 shtator 2010 Në ora: 17:08

Qeveria e Serbisë, në një mbledhje telefonike i ka miratuar konkluzat, me të cilat autorizohet Ministria e Jashtme që të paraqesë propozimin e ndryshuar të rezolutës për Kosovën në Asamblenë e Përgjithshme të Kombeve të Bashkuara.

Propozimi i ndryshuar është harmonizuar me 27 vendet anëtare të Bashkimit Evropian, kanë konfirmuar për Radion Evropa e Lirë burime në Qeverinë e Serbisë.

Ky është rezultat i marrëveshjes së djeshme të presidentit serb, Boris Tadiq, dhe kryediplomates së Bashkimit Evropian, Ketrin Eshton, në Bruksel.

Teksti i projekt-rezolutës është harmonizuar të mërkurën me të gjitha partitë në koalicion dhe partitë opozitare në Serbi.

Teknikisht, Ministria e Jashtme serbe do ta ndërrojë projekt-rezolutën, kështu që nuk do të ketë amandamente.

Është paralajmëruar që teksti i rezolutës së re do të bëhet publik brenda ditës së sotme.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...