Ministri i Jashtëm i Gjermanisë, Guido Vestervele, ka mirëpritur vendimin e Serbisë për të ndryshuar propozim-rezolutën kundërthënëse lidhur me Kosovën.
“Ky është një sinjal i qartë se Serbia e shikon të ardhmen në BE”, tha Vestervele. Ai shtoi se hapi i ndërmarrë nga Tadiçi ishte i rëndësishëm dhe “një sukses i politikës së jashtme evropiane”.
Ministri i Jashtëm gjerman i ka bërë thirrje të gjitha palëve “të fillojnë bisedimet me shpejtësi dhe të arrijnë rezultate konkrete për popullsinë”.