Hekuran Deda, njëri nga tre personat e vrarë me armë zjarri gjatë demonstratës së të premtes në Tiranë, është përcjellë sot në banesën e fundit.
Ceremonia mortore është mbajtur në periferi të Tiranës në banesën e të afërmve të qytetarit nga Dibra që humbi jetën pas incidenteve të dhunshme që shoqëruan demonstratën.
Gjatë funeralit të pranishëm kanë qenë edhe deputetë të opozitës dhe kryetari i Partisë Socialiste Edi Rama.
Mjekët e spitalit ushtarak, kanë thënë se shtetasi Hekuran Deda, si dhe dy viktimat tjuera të demonstratës, shtetasit Faik Myrto nga Fieri e Ziver Veizi nga Gjirokastra, janë qëlluar me armë të kalibrit të vogël në distancë të afërt.
