Të paktën gjashtë të vdekur nga shpërthimet me bombë në Somali - Bota Sot
Të paktën gjashtë të vdekur nga shpërthimet me bombë në Somali

Afrika

Të paktën gjashtë të vdekur nga shpërthimet me bombë në Somali

Më: 22 dhjetor 2018 Në ora: 10:54
Somali

Dy shpërthime me bomba kanë ndodhur në kryeqytetin e Somalisë, Mogadishu, ka vrarë të paktën gjashtë njerëz dhe ka plagosur 13 të tjerë, raportojnë mediat lokale.

Vetura e parë me bombë eksplodoi afër teatrit kombëtar duke përhapur shumë tym të bardhë, raportoi televizioni Dalsan.

Ndërsa, shpërthimi i dytë ndodhi vetëm pak minuta më pas në të njëjtën zonë.

Fotografitë që u postuan në mediat sociale treguan vetura të shkatërruara dhe rrugët e mbushura me mbetjet e tyre.

Eksplodimet ndodhën pas një muaji qetësi në qytetin që shpesh është cak i sulmeve të al-Shabab.

Grupi i armatosur i lidhur me al-Kaeda, i cili ka kryer disa sulme në Somali dhe në vendet fqinje, po lufton për të rrëzuar qeverinë somaleze dhe dëshiron të imponojë një version më të rreptë të ligjit islam në vendin afrikan.

Grupi përdoret për të kontrolluar pjesën më të madhe të vendit, por që nga viti 2010, luftëtarët janë larguar nga provincat dhe qytetet kryesor.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...