Nigerianët sot i janë drejtuar kutive të votimit në zgjedhjet e përgjithshme të cilat u shtynë në minutën e fundit javën e kaluar.
Njeriu që po sfidon presidentin Muhammadu Buhari është ish-zëvendës presidenti, Atiku Abubakar.
Cilido prej kandidatëve që fiton ka një sërë sfidash me të cilat duhet të përballet, raporton BBC.
Korrupsioni, stagnimi i ekonomisë, kërcënimet e sigurisë, mungesa e energjisë, janë vetëm disa prej problemeve me të cilat ballafaqohet Nigeria.
Qendra e votimit janë hapur në orën 08:00 të mëngjesit dhe do të qëndrojnë të hapura deri në orën 14:00 me orën lokale të Nigerisë.
