Sherr me gruan, përplas avionin me lokalin ku ndodheshin 50 veta - Bota Sot
Sherr me gruan, përplas avionin me lokalin ku ndodheshin 50 veta

Afrika

Sherr me gruan, përplas avionin me lokalin ku ndodheshin 50 veta

Më: 25 mars 2019 Në ora: 14:13
Foto

Charl Viljoen u filmua duke i dhënë avionit farë pranë tokës, përpara se të përplasej me lokalin në të cilin ndodheshin të paktën 50 persona. Fatmirësisht asnjë prej tyre nuk mori dëmtime, pasi arritën të largoheshin pak momente përpara impaktit. Megjithatë vetë piloti gjeti vdekjen si pasojë e shpërthimit të fuqishëm.

Dëshmitarë thanë se e kishin parë avionin që po lëvizte në aerodromin Matsieng, pranë Gaborone, kryeqyteti i Botswana dhe për këtë arsye kishin nxituar për të dalë nga ndërtesa. Pamjet e avionit që fluturon fare pranë tokës u publikuan në rrjetet sociale.

Sipas asaj që shkruan e përditshmja britanike The Sun, pak orë përpara ngjarjes, 38-vjeçari Viljoen kishte shkuar i paftuar në festë. Ai ishte përfshirë në një sherr të ashpër me bashkëshorten të cilën edhe e kishte goditur.

Të pranishmit kishin ndërhyrë, duke e përzënë. Pas kësaj, 38-vjeçari besohet se udhëtoi rreth 48 kilometra në jug, drejt aeroportit Sir Seretse Khama, ku vodhi një avion të vogël. Mediat lokale raportuan gjithashtu se Viljoen, i cili ishte baba i një fëmije, kishte telefonuar nga avioni një mik, për ta pyetur nëse bashkëshortja e tij ishte ende në festë. Si pasojë e shpërthimit të fuqishëm u dëmtuan edhe 13 automjete që ndodheshin të parkuara aty pranë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...