Ashpërsohen luftimet mes forcave qeveritare dhe kryengritësve në Libi - Bota Sot
Ashpërsohen luftimet mes forcave qeveritare dhe kryengritësve në Libi

Afrika

Ashpërsohen luftimet mes forcave qeveritare dhe kryengritësve në Libi

Më: 21 prill 2019 Në ora: 15:54
Libi

Goditje dhe shpërthime kanë tronditur kryeqytetin libian, Tripoli dje dhe sot ndërkohë që ashpërsohen përleshjet mes forcave qeveriare të mbështetura nga Kombet e Bashkuara dhe kryengritësve të Ushtrisë Kombëtare Libiane që veprojnë në lindje të vendit.

Në jug të kryeqytetit forcat qeveritare u rezistuan përpjekjeve të kryengritësve besnikë të Gjeneralit Khalifa Haftar.

Ushtria Kombëtare Libiane që vepron nën komandën e Gjeneralit Khalifa Haftar filloi një ofensivë dy javë më parë por nuk ka arritur të thyejë vijën e mbrojtjes së trupave qeveritare.

Kombet e Bashkuara kanë bërë thirrje për armëpushim në Libi, por Rusia dhe Shtetet e Bashkuara kanë bllokuar një rezolutë të Këshillit të Sigurimit që kërkonte ndalimin e luftimeve në këtë vend të Afrikës Veriore.

Në një deklaratë këtë javë, Shtëpia e Bardhë tha se Presidenti Trump kishte biseduar me telefon me Gjeneralin Haftar, ku presidenti kishte vlerësuar rolin e gjeneralit në luftën kundër terrorizmit dhe në mbrojtje të burimeve libiane të naftës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...