Xhihadistët vrasin 20 persona në Burkina Faso - Bota Sot
Xhihadistët vrasin 20 persona në Burkina Faso

Afrika

Xhihadistët vrasin 20 persona në Burkina Faso

Më: 6 tetor 2019 Në ora: 08:44
Burkina Faso

Rreth 20 njerëz janë vrarë gjatë një sulmi në një minierë ari në pjesën veriore të Burkina Fasos. Ky është rasti më i freskët i valës së dhunës së nxitur nga xhihadistët në Afrikën Perëndimore.

Sulmi ndodhi në provincën Soum, jo shumë larg vendit ku xhihadistët më parë e hodhën në erë një urë që lidh dy qytete.

“Individë të armatosur e kanë sulmuar minierën e arit në Dolmane, duke i lënë rreth 20 të vdekur, kryesisht persona që ishin duke kërkuar ar”, tha një burim i sigurisë.

Ky vend i Afrikës Perëndimore është bërë pjesë e një sulmi të gjatë nga xhihadistët në rajonin e Saharasë jugore, duke nisur nga brigjet e Oqeanit Atlantik deri në “Bririn e Afrikës” në lindje.

Shumë prej sulmeve në këtë pjesë të Afrikës besohet se janë të lidhura me grupet e afërta me “Al Qaeda”-n dhe të ashtuquajturin Shtetin Islamik.

Më shumë se 585 njerëz janë vrarë nga viti 2015 nga sulmet e kryera në Nigeri, Çad, Niger dhe Mali, ku vetëm javën e kaluar u vranë 40 persona gjatë një sulmi.

Një javë më parë, 17 njerëz u vranë gjatë disa sulmeve në pjesën veriore të Burkina Fasos. Dhuna ka ndikuar edhe në mbylljen e dy mijë shkollave, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...