Ish-presidenti i Sudanit Omar al-Bashir është dënuar me dy vjet në një strukturë të reformës sociale për korrupsion, raporton BBC.
Gjykatësi tha se, sipas ligjit sudanez, njerëzit mbi moshën 70 vjeç nuk mund të vuajnë kushtet e burgut. Ndërsa Bashir është 75 vjeç.
Bashir gjithashtu përballet me akuza të lidhura me grushtin e shtetit të vitit 1989 që e sollën atë në pushtet, gjenocid dhe vrasjen e protestuesve para përmbysjes së tij në muajin prill.
Gjatë dënimit, përkrahësit e tij filluan të brohorisnin se gjyqi ishte "politik" dhe ishin urdhëruar të largoheshin.
Ata vazhduan protestën e tyre jashtë gjykatës, duke brohoritur: "Nuk ka zot tjetër përveç Zotit".
Më pas një nga avokatët e udhëheqësit të rrëzuar, Ahmed Ibrahim, tha që ata do të apelojnë kundër aktgjykimit.
Mohamed al-Hassan, një avokat tjetër për Bashir, më parë tha se mbrojtja nuk e konsideronte gjykimin si ligjor, por si "politik".
Është e paqartë nëse Bashir do të gjykohet për abuzime të përhapura të të drejtave të njeriut gjatë kohës së tij në pushtet, përfshirë akuzat për krime lufte në Darfur.
