Koronavirusi po pushton botën/ Shteti me 12 milionë banorë ka vetëm 4 respiratorë - Bota Sot
Koronavirusi po pushton botën/ Shteti me 12 milionë banorë ka vetëm 4 respiratorë

Afrika

Koronavirusi po pushton botën/ Shteti me 12 milionë banorë ka vetëm 4 respiratorë

Më: 19 prill 2020 Në ora: 12:05
Sudani i Jugut ka vetëm katër ventilatorë dhe 24 shtretër të ICU për një popullsi prej 12 milion njerëz

Rastet e Covid-19 kanë arritur në 2.2 milion në botë dhe vendet në mbarë globin po përpiqen të blejnë pajisje për shpëtimin e jetës pasi pandemia vendosi kërkesa të pashembullta në spitale.

Me sistemet e kujdesit shëndetësor që janë nën presionin e virusit, i cili ka vrarë më shumë se 155,000 njerëz, ekspertët paralajmërojnë se koronavirusi mund të shkatërrojë vendet që kanë mungesë të pajisjeve dhe infrastrukturës së kujdesit shëndetësor.

Për shembull, Sudani i Jugut ka vetëm katër ventilatorë dhe 24 shtretër të ICU për një popullsi prej 12 milion njerëz, sipas të dhënave nga Komiteti Ndërkombëtar i Shpëtimit (IRC), raporton CNN.

Sipas përllogaritjeve është një ventilator për çdo tre milion njerëz.

Burkina Faso ka 11 ventilatorë, Sierra Leone 13 dhe Republika Qendrore e Afrikës 3, ndërsa Venezuela ka 84 shtretër të ICU për një popullsi prej 32 milion, dhe 90% e spitaleve përballen me mungesa të ilaçeve dhe furnizimeve kritike, thotë organizata joqeveritare.

“Ne kemi parë tashmë se si pandemia ka mposhtur shpejt sistemet shëndetësore në vendet me sisteme shëndetësore relativisht të përparuara,” i tha CNin Elinor Raikes, nënkryetar dhe drejtues i programit për IRC. “Tashmë ekziston një arsye e menjëhershme e shqetësimit se si do t’i mposhtte shpejt vendet me sisteme të dobëta shëndetësore.”

Sot mund të lexoni Shfletoni kopertinat