Autoritetet e Afrikës së Jugut thonë se ata kanë filluar dëbimin e 20 refugjatëve dhe azilkërkuesve, të cilët ishin pjesë e një proteste njëmujore kundër ksenofobisë.
Ata janë kryesisht nga vendet afrikane dhe kërkonin të iknin nga Afrika e Jugut.
Kanadaja është një nga zgjedhjet e preferuara të migrantëve, tha departamenti i Punëve të Brendshme të Afrikës së Jugut në një deklaratë.
Qendrimi në shesh i tyre filloi jashtë zyrave të agjencisë së KB për refugjatët (UNHCR) në Kejptaun në tetor 2019.
Qindra njerëz morën pjesë në fushatën protestuese e cila zgjati pesë muaj dhe ku emigrantët pushtuan një kishë ku u strehuan.
Në atë kohë emigrantët thanë se nuk ndiheshin të sigurt për shkak të sulmeve ksenofobike në qytetet e Afrikës së Jugut dhe se ata ishin trajtuar keq dhe diskriminuar.