Vriten shtatë persona në një restorant në Kongo, dyshohet për sulm terrorist

Afrika

Vriten shtatë persona në një restorant në Kongo, dyshohet për sulm terrorist

Më: 25 dhjetor 2021 Në ora: 23:10
Foto ilustrim

Një bombë shpërtheu në një restorant të shtunën, ndërsa klientët u mblodhën në ditën e Krishtlindjes, duke vrarë të paktën shtatë persona në një qytet lindor të Kongos, ku dihet se janë aktivë ekstremistët islamikë.
Të shtëna të rënda shpërthyen menjëherë pas shpërthimit të bombës, me turmat e shokuara që po largoheshin nga qendra e qytetit.

Kryebashkiaku Narcisse Muteba Kashale, i cili është gjithashtu një kolonel policie, tha se të paktën dy nga viktimat ishin fëmijë. Të mbijetuarit e plagosur u dërguan në spitalin lokal, tha ai.

“Hetimet janë duke u zhvilluar për të gjetur autorët e këtij sulmi terrorist”, tha ai për Associated Press.

Qyteti ka qenë prej kohësh në shënjestër të rebelëve të Forcave Demokratike Aleate, ose ADF, një grup që e ka origjinën në Ugandën fqinje. Por një degë e grupit të Shtetit Islamik mori përgjegjësinë për dy shpërthime në Beni në qershor, duke thelluar frikën se ekstremizmi fetar është përhapur edhe atje.

Këto shpërthime përfshinin sulmin e parë vetëvrasës të njohur në Kongon lindore, një burrë nga Uganda që hodhi veten në erë jashtë një lokali. Provinca e Afrikës Qendrore e grupit të Shtetit Islamik tha më vonë se sulmuesi vetëvrasës kishte në shënjestër të krishterët. Shpërthimi tjetër atë ditë shpërtheu brenda një kishe katolike, duke plagosur dy persona.

Banorët e qytetit kanë shprehur vazhdimisht zemërimin për pasigurinë e vazhdueshme pavarësisht ofensivës së ushtrisë dhe pranisë së paqeruajtësve të OKB-së në Beni.

commentFirst article
Sot mund të lexoni Shfletoni kopertinat