Akuza për terrorizëm për të dyshuarin për zjarrivënie në Parlamentin e Afrikës së Jugut

Afrika

Akuza për terrorizëm për të dyshuarin për zjarrivënie në Parlamentin e Afrikës së Jugut

Më: 11 janar 2022 Në ora: 14:52
Zandile Mafe

Një burrë i akuzuar për vënien e zjarrit që shkatërroi pjesë të kompleksit historik të Parlamentit të Afrikës së Jugut përballet me një akuzë të re për terrorizëm, shkruan AP.

Zandile Mafe, 49 vjeç, u shfaq të martën në një sallë gjyqi në Cape Town për një seancë dëgjimore me kusht, kur u shtua akuza e re, tha transmetuesi shtetëror SABC. Mafe ishte akuzuar tashmë për thyerje shtëpie me qëllim vjedhjeje, vjedhje, dy akuza për zjarrvënie dhe posedim të një mjeti shpërthyes kur ai u paraqit në gjykatë për herë të parë javën e kaluar.

Kompleksi i Parlamentit në Cape Town u shkatërrua nga zjarri i madh, i cili filloi më 2 janar dhe zjarrfikësve iu deshën katër ditë për të shuar plotësisht.

Zjarri shkatërroi dhomën kryesore të ndërtesës së Asamblesë Kombëtare, ku ulet Parlamenti i Afrikës së Jugut, dhe gjithashtu shkaktoi dëme të mëdha në ndërtesa të tjera në kompleksin 130-vjeçar, i cili ka qenë vendi i legjislaturës kombëtare që nga koha e kolonializmit britanik në fundi i viteve 1800.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat