Përmbytjet në Afrikën e Jugut vranë më shumë se 300 persona

Afrika

Përmbytjet në Afrikën e Jugut vranë më shumë se 300 persona

Më: 14 prill 2022 Në ora: 07:04
Përmbytjet në Afrikën e Jugut

Numri i të vdekurve në provincën e Afrikës së Jugut të KwaZulu-Natal ka arritur në më shumë se 300, pasi përmbytjet shkatërruese bënë kërdinë në atë zonë.

Autoritetet lokale po bëjnë thirrje për shpalljen e gjendjes së fatkeqësisë, pasi disa zona panë reshje shiu “si për një muaj të tërë” që ranë brenda një dite.

Zyrtarët e kanë quajtur atë nga stuhitë më të këqija të motit në historinë e vendit të tyre.

Rrëshqitjet e dheut kanë bllokuar njerëzit nën ndërtesa, ndërsa priten edhe më shumë përmbytje.

Ka raporte se përpjekjet e shpëtimit po pengohen nga dukshmëria e dobët pasi një helikopter vazhdon t’i ndihmojë njerëzit.

Të martën, BBC dëshmoi një operacion të tillë kërkimi për një vajzë 10-vjeçare, e cila ishte pjesë e një familjeje prej katër anëtarësh që u përfshi në një urë të përmbytur.

Jomba Phiri, i cili jeton në qytetin kryesor të rajonit, Durban, tha se shtëpia e tij ishte përfshirë nga përmbytjet.

“Unë nuk e di se ku do të flemë tani,” i tha ai agjencisë së lajmeve Reuters.

commentFirst article
Sot mund të lexoni Shfletoni kopertinat