Mbi 30 të vrarë nga sulmi në një treg të Somalisë

Afrika

Mbi 30 të vrarë nga sulmi në një treg të Somalisë

Më: 20 shkurt 2017 Në ora: 08:41
Sulm vetëvrasës në kryeqytetin Mogadishu

Zyrtarët somalezë thanë se 34 njerëz janë vrarë dhe dhjetëra të tjerë janë plagosur nga një sulm vetëvrasës në kryeqytetin Mogadishu.

Përgjegjësinë për sulmin e së dielës nuk e ka marrë ende asnjë grup.

Sulmi ka ndodhur në një treg të qytetit, ndërsa agjencitë e lajmeve thonë se në mesin e viktimave ka gra dhe fëmijë.

Grupi terrorist Al-Shabab ka kryer sulme të ngjashme në të kaluarën.

Më herët, ky grup ka dënuar zgjedhjen e presidentit të ri, Mohamed Abdullahi Mohamed, duke e cilësuar atë si "të pafe".

Mohamed, ish-kryeministër, i cili posedon edhe pasaportën e Somalisë, edhe atë të SHBA-së, është zgjedhur më 8 shkurt.

Sot mund të lexoni Shfletoni kopertinat