Të paktën 15 fëmijë kanë mbetur të vdekur në Sudanin Jugor, nga një përpjekje e dështuar për t’i imunizuar ndaj fruthit.
Ata ishin vaksinuar me të njëjtën shiringë të pasterilizuar, si dhe vaksinë nuk ishte ruajtur në kushtet e duhura.
Si rezultat i kësaj atyre u janë shkaktuar infeksione të rënda dhe sepsa.
Ekipi që merrej me vaksinimin e fëmijë nuk ishte as i kualifikuar dhe as i trajnuar për ta bërë këtë punë.
Të paktën 300 persona janë vaksinuar përmes kësaj kampanje, këtu duke përfshirë edhe 32 fëmijë të tjerë që janë sëmurë megjithatë kanë mbijetuar.
