Shpërthimi i fundit i Ebolës, “më i keqi” në historinë e Kongos - Bota Sot
Shpërthimi i fundit i Ebolës, “më i keqi” në historinë e Kongos

Afrika

Shpërthimi i fundit i Ebolës, “më i keqi” në historinë e Kongos

Më: 11 nëntor 2018 Në ora: 15:27
Një punëtor mjekësor në Kongo.

Shpërthimi i fundit i virusit Ebola në Republikën Demokratike të Kongos, është më i keqi në historinë e këtij vendi, ka thënë Ministria e Shëndetësisë.

Pothuajse 200 persona kanë vdekur që prej muajit gusht, thanë zyrtarët, ndërkaq mbi 300 raste të tjera janë konfirmuar se janë të infektuar me këtë virus.

Programi i vaksinimit kundër Ebolës deri më tani ka përfshirë rreth 25 mijë njerëz.

Kongo ka vuajtur për shumë gjatë vite me jostabilitet dhe përpjekjet për të parandaluar përhapjen e këtij virusi janë penguar nga sulmet ndaj punëtorëve shëndetësorë.

“Deri më tani, 319 raste dhe 198 vdekje janë konfirmuar”, ka thënë ministri i Shëndetësisë, Oly Ilunga.

“Shpreh ngushëllimet e mia për qindra familje që janë duke mbajtur zi për më të dashurit e tyre, shpreh simpatinë time për qindra jetim dhe familje që janë shuar plotësisht”, ka thënë tutje ai.

Ky është shpërthimi i dhjetë me radhë i virusit të Ebolës në Kongo dhe më i keqi, që prej epidemisë së parë më 1976.

Ebola është një sëmundje infektuese që përhapet përmes lëngjeve trupore.

Simptomat e para të virusit janë të ngjashme me ato të gripit por më pas përcillen me vjellje, diarre, skuqje të lëkurës dhe me gjakderdhje të brendshme dhe të jashtme.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...