Më shumë se 300 të vdekur nga sëmundja e Ebolës në Kongo - Bota Sot
Më shumë se 300 të vdekur nga sëmundja e Ebolës në Kongo

Afrika

Më shumë se 300 të vdekur nga sëmundja e Ebolës në Kongo

Më: 15 dhjetor 2018 Në ora: 08:28
Kongo

Më shumë se 300 vetë kanë vdekur nga epidemia e Ebolës në lindje të Republikës Demokratike të Kongos, njoftuan sot shërbimet spitalore të vendit.

“Prej epidemisë kanë vdekur 303 njerëz, ndërkaq 179 janë shëruar, duke përfshirë edhe një foshnje” njoftoi Ministria e Shëndetësisë.

Kjo është epidemia e dhjetë e kësaj sëmundje në Kongo që nga viti 1976.

Në epideminë e parafundit në Kongo humbën jetën 33 njerëz. Fundi i kësaj epidemia u shpallë në fund të korrikut mirëpo vetëm një javë më pas u paraqit një epidemi e re në një pjesë Kongos.

Në vitin 2013 në Afrikën perendimore vdiqën më shumë se 11 mijë e 300 njerëz, më së shumti në Guine, Sierra Leone, dhe Liberi.

Ebola është një lloj sëmundjes së etheve hemoragjike, shumë ngjitëse.

Sëmundja shoqërohet me dhimbje të muskujve, kokës dhe trupit, rritje të papritur të temperaturës dhe ndonjëherë edhe më gjakderdhje.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...