Ministria e Punëve të Jashtme të Kosovës i ka dhënë mbështetje vendimit të autoriteteve të Shqipërisë për dëbimin e diplomatëve iranianë, të dyshuar se me veprimet e tyre kanë cenuar sigurinë e Shqipërisë.
“Abuzimi i misionit diplomatike kundër sigurisë kombëtare të vendit nikoqir është i papranueshëm. Ne ndajmë të njëjtin qëndrim me Departamentin Amerikan të Shtetit rreth Iranit”, thuhet në reagimin e Ministrisë së Punëve të Jashtme të Kosovës.
Pak minuta më herët, rreth dëbimit nga Shqipëria të diplomatëve iranianë ka reaguar edhe këshilltari i Sigurisë Kombëtare të Shteteve të Bashkuara, John Bolton.
ë një koment në profilin e tij në Twitter, Bolton ka shkruar se kryeministri i Shqipërisë, Edi Rama, sapo ka dëbuar ambasadorin iranian, duke i lajmëruar liderët e Iranit se mbështetja e tyre për terrorizmin nuk do të tolerohet.
“Ne e mbështesim kryeministrin Rama dhe popullin shqiptar përderisa ata ngriten kundër ndaj sjelljeve të pamatura të Iranit në Europë dhe në mbarë globin”, ka shkruar John Bolton.
Ministria e Punëve të Jashtme e Shqipërisë ka konfirmuar dëbimin e dy diplomatëve iranianë, nën dyshimin se me aktivitetet e tyre kanë kërcënuar sigurinë kombëtare të Shqipërisë.
