Deputeti i PSD-së, Dardan Molliqaj ka reaguar pas në mediat vendor janë publikuar bisedat me Pal Lekajn dhe Bilall Sherifin.
Në reagimin e tij në Facebook, ai ka pranuar se kanë negociuar me pushtetin dhe se ka treguar për kërkesat e PSD-së karshi pozitës.
Postimi i plotë:
CDO BISEDË ME CILINDO POLITIKAN MUND TA PUBLIKOJ. SKAM ASGJË PËR TË FSHEHUR.
Është shumë e vërtetë që për 4-5 ditë rresht kemi negociuar me pushtetin për çështjen e buxhetit.
Ata kanë kërkuar ta votojmë, kurse ne kemi korkuar të na i plotësojnë kushtet që i publikuam dje. Ne kërkuam votimin e ligjit për paga, shkarkimin e Rikallos, zvogëlimin e numrit të zv.ministrave, etj. Dhe na i pranuan këto kushte. Për këto është fjala në të gjitha mesazhet e publikuara.
Asnjë bisedë gjatë këtij negocimi nuk është sekrete dhe kushdo që është i interesuar mund t'ia tregoj.
