‘Dridhet’ Serbia – Publikohet armatimi që Gjermania ia dhuroj Ushtrisë së Kosovës

Aktuale

‘Dridhet’ Serbia – Publikohet armatimi që Gjermania ia dhuroj Ushtrisë së Kosovës

Më: 23 dhjetor 2018 Në ora: 17:00
Publikohet armatimi që Gjermania ia dhuroj Ushtrisë së Kosovës

Pas shndërrimit të Kampit të KFOR-it Gjerman në Prizren në Park Kosovar-Gjerman Inovativ dhe Trajnues, KFOR-i Gjerman përmes Ministrisë së Financave i dhuron Kosovës pajisje në vlerë prej 1.8 milionë euro.

Gjatë një vizite në Ministrinë e Financave, përfaqësuesit e KFOR-it Gjerman në Kosovë theksuan përkushtimin e tyre për mbështetjen e institucioneve të Kosovës përmes projekteve të ngjashme, siç është projekti i Parkut Inovativ dhe Trajnues, njofton Ministria e Financave.

Në anën tjetër, ministri Hamza theksoi se bashkëpunimi me Qeverinë Gjermane është dëshmi e një bashkëpunimi me sukses në fusha të ndryshme me partner serioz siç është Qeveria Gjermane. Jetësimi i projektit të Parkut Inovativ dhe Trajnues është një mundësi e jashtëzakonshme për qytetarët e Kosovës dhe institucionet e vendit, përmes të cilit pritet të realizohen projekte tejet me rëndësi.

Vlen të theksohet se nga ky park në të ardhmen pritet të përfitojnë edhe vendet e rajonit. Dhurimi i pajisjeve nga KFOR-i Gjerman mundëson që Parku Inovativ dhe Trajnues të fillojë funksionin e tij shumë shpejt.

Në fillim të këtij viti, Qeveria e Kosovës dhe Qeveria Gjermane patën iniciuar diskutimet mbi të ardhmen e Kampit Fushor të KFOR-it Gjerman në Prizren, pas largimit të trupave ushtarake nga kampi.

Image
Image
Image
commentFirst article
Sot mund të lexoni Shfletoni kopertinat