Deputeti i PSD-së në Kuvendin e Kosovës, Dardan Molliqaj, ka sfiduar LDK-në dhe Vetëvendosjen duke thënë se nëse ata bashkë me Listën Serbë i bëjnë numrat për rrëzimin e Qeverisë, PSD është e gatshme të mbështesë iniciativën.
Molliqaj, ka thënë LDK dhe Vetëvendosje nuk guxojnë të nisin mocion mosbesimi ndaj Qeverisë për shkak të ndërkombëtarëve.
“Ato po bëjnë taktizime që në zgjedhjet e ardhshme të dalin më mirë. LDK sidomos, por edhe Vetëvendosje nuk guxojnë të iniciojnë mocion mosbesimi ndaj Qeverisë. Jo pse kanë frikë nga ne apo pushteti, por këtë nuk e pranojnë ndërkombëtarët”, tha Molliqaj.
Deputeti i PSD-së ka thënë së nëse LDK, Vetëvendosje dhe Lista Serbe bëjnë votat për rrëzimin e Qeverisë, ne si PSD jemi të gatshëm të mbështesim mocionin.
“Ne si PSD e duam një listë me nënshkrimet e këtyre deputetëve. Ne do të mbështesim këtë mocion mosbesimi ndaj Qeverisë”.
Molliqaj ka thënë se pas letrës së Donald Trump, LDK ka ndryshuar qëndrimin ndaj dialogut me Serbinë.
