Veseli: Nesër me ekipin e unitetit do të takohemi me ambasadorët e QUINT-it - Bota Sot
Veseli: Nesër me ekipin e unitetit do të takohemi me ambasadorët e QUINT-it

Aktuale

Veseli: Nesër me ekipin e unitetit do të takohemi me ambasadorët e QUINT-it

Më: 26 dhjetor 2018 Në ora: 11:53
Kryetari i Kuvendit të Republikës së Kosovës, Kadri Veseli,

Kryetari i Kuvendit të Republikës së Kosovës, Kadri Veseli, ka konfirmuar se nesër delegacioni shtetëror për dialogun me Serbinë, do të zhvillojë një takim edhe me ambasadorët e vendeve të QUINT-it dhe përfaqësues të zyrës së BE-së në Kosovë.

Këtë Veseli e ka konfirmuar në një konferencë për media, pas takimit që kanë pasur me udhëheqësit e grupit të unitetit.

Veseli ka thënë se ky takim do të mbahet me qëllim të informimit të ambasadorëve dhe shteteve të QUINT-it rreth zhvillimeve që po ndodhin.

“Takimet do t’i kemi bashkërisht, që nesër do t’i ftojmë edhe vendet anëtare të Quintit dhe Zyrën e BE’së”, ka thënë kreu i Kuvendit.

Ai ka thënë se të gjithë duhet që të bashkohen rreth këtij procesi.

“Është proces i lirisë dhe sovranitetit, proces i territoreve të shtetit tonë të pavarur, është proces i njohjes nga Serbia dhe sigurimin e ulëses sonë në OKB”, ka thënë Veseli.

Në këtë takim ka marrë pjesë vetëm Shpend Ahmeti, ndërsa Fatmir Limaj ka munguar.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...